الحركة المستقيمية
ديال هاد الدولة كاتمشي في خطوات متسارعة إلى الوراء، إيــــه في الوقت الي الدول كتحاول
تعطي وتفتح مجال الحريات إلى الأشخاص، دولة المغرب الشقيق تاتمنعهم وتضيق عليهم بحجج
واهية... وآخر ماغنات مي كلثوم في القمع هو القانون مياتاين وشي حاجة ديال أنه لي قال
شي حاجة قبيحة على سيدنا، غايتغبر ويخلص الدعارة زعما بغيت نقول الدعيرة.. لي تاتوصل
حتى ل500.000 ألف درهم، وغا بالعقل كون كانت عندي هاد 500.000 درهم والله لا زدت مع جدبوكم دقيقة فهاد البلاد.
هاد القانون ماوقفش غي عند الملك، بل مشا
حتى لي قال شي حاجة على الدين ولا إنتقد ولا تكلم على الدين بسوء على أساس أن المغاربة
راه متدينين لدرجة أنك تخلي بزطامك فباب الجامع وتخرج تلقاه مازال فبلاصتو...
والغريب كذلك هو
أن النظام الملكي 'AKA'
للدين الإسلامي هههه زعما راه وجهان لعملة واحدة ماضرب فهادا ماضرب فلاخور، حيث بجوجهوم
خاصك طيعهوم، دبا المشكل كاين في أنه مستقبلا أيقولك إلا ما بايعتيش لوغوا غادي تكفر
بالدين الإسلامي، واللي شي وحدين راه تايقولوها بحال الشيخ الطنجاوي بولحية. الغريب
في الأمر أنك منذ الآن فصاعدا وإلا طبق هدا القانون غاتكون ملزم تسمع اللي الشمس تضور
حول الشمس والأرض ليست كروية الشكل (بيضوية) وليس لك الحق أنك تنتقد حيتث فديك اللحظة
تكون تاتضرب في الدين هههه، وخيص ليك على دوك الزغاليل إلا حاولتي تقنعهوم بالتطور،
ولا هضرتي في أصل الحياة...
وأسوء شيء إلا جيتي تناقش في الإفتاء
ديال المجلس العلمي واللي حرم إستعمال كلمة 'Sexy' في الفايسبوك والشاط هههههههههه.
دبا كثر ما الموضوع كايبكي بالضحك راه كايخليك تشوف بالي هاد الدولة ماعمرك تنتاظر
منها تعطي حق للبشر الي ساكن فيها، حيث من الأول تا لآخر مبنية على قمع النشطاء والشعب
و دبا باغا تقمح حرية الفكر، كيفاش بغيتي هاد الدولة التقدم إلى مفتحتيش
المجال للفكر والنقد، ولا نخليو الشاف الكبير يدير اللي بغا يبيع هاد البلاد ويدخل
في ماشاريع وينهب في الخيرات ديال البلاد، وملي نهضرو الحبيبيس في الإنتظار.. نخليو
الفقاها يخرجو فتاوي تدميرة ومانتاقدهومش بحكم انهم أعلم بالدين في الوقت الي الغالبية
العضمى كاتحس بيه أنه منعزل على العالم والحياة المعاشة، سيد تاتلقاه عايش في النعيم
ويجي يفرض عليك أمور لا علاقة بحكم الدين.
خلاصة الأمر هاد
البلاد ليست للعيش، هاد للبلاد للعقاب، تصلاح تكون كوانطانامو 2، حيت لا يمكن ان تعيش
في بلد لا يحترم الحريات وحريات الأقلية، والحريات الإنسانية، في هاد البلد القوي يأكل
الضعيف والقوي يستغل مكامن قوته باش يهلك الضعيف الشيء الي داروت إتصالات في 'VOiP' و'Gaming' واللي باغا ديرو الدولة
في هاد القانون.
من الأحسن إلا بغيتي تعيش فيها أنه تكون عندك الدماغ ديال هومر، هاد الدماغ الي هو غي قجر، فيه من داخل حبة صغيرة ديال كاوكاو على شكل دماغ...
ليست هناك تعليقات:
إرسال تعليق